كاين واحد النوعية من الناس تولدو معطائين ..

كاين واحد النوعية من الناس تولدو معطائين ..

ال mode de vie ديالو غادي على هكا .. ديما موجود ،  و ديما كتلقاه سند لاي شخص ،  و ديما مهتم بالمعارف ديالو و صحابو كثر من راسو .. كيسمع لشي واحد و كيساعدو ف انه يحل مشاكلو و يعطيه دعم نفسي كذلك .. و ما يسمحش فيه مهما كانت الازمة لي هو فيها .. حنين ،  و ضريف ،  و ما كيخسر لخاطر لحتى واحد ..

هو هكذا داير ،  كيكون فرحان الا عاون شي حد و قدم ليه المساعدة .. رسالتو ف الحياة هي هذي ،  و ما كيعرفش يقول لا ،  و الا قالها ف هو غيديپانيك باشما كان ..

ف كتلقاه  طول الوقت كيعيش لناس اكثر ما كيعيش لنفسو ، و كيقلب على اي طريقة يرضي بيها غيرو ..

ف الا لقيتو بحال هد النوعية من الاشخاص ،  تقربو منهم ، و قدروهم .. و شكرو ربي سبحانو على نعمة وجودهم ف حياتنا .. و حاولو حتى انتما تعطيوهم من وقتكم و مجهودكم ،  و ما تبخلوش عليهم ..

حيث شي مرات حتى هما كيجيهم إكتآب ، و كيستسلمو ،  و كيكونو محتاجين لشي حد ف حياتهم يكون ” معطاء “معاهم ،  او على الاقل يقدر عطائهم و ما يخدلهمش .. لكن ما كيعرفوش يطلبو هدشي…